Zbatim të ligjit “Për Nxitjen e Punësimit” lidhur me parashikimet për personat me aftësi ndryshe. Kjo është ajo që nxënësit e gjimnazit “Ali Demi” kërkojnë në peticionin që do depozitojnë në Kuvendin e Republikës së Shqipërisë, dhe që prezantuan me deputetet e qarkut të Vlorës në ditën e hapur të diskutimit.
Në takimin e zhvilluar në kuadër të projektit “Për mbështjetjen e Kuvendit dhe Edukimin Qytetar” studentët nuk harruan ti pyesnin dy deputetët Fation Veizaj dhe Pranvera Resulaj për çështjet që i shqetësojnë ata.
Pyetjet e nxënësve ishin të shumta, duke nisur nga mundësitë për reforma në arsim e deri te mundesitë e punësimit dhe kërkesave të tregut të punës.
Dy përfaqësuesit e parlamentit për Qarkun e Vlorës dhanë edhe mesazhet e tyre për të rinjtë.
Ashtu si është bërë zakon tashmë, deputetet firmosën edhe premtimet miqësore ndaj nxënësve, si një simbol i premtimit për të shtuar vëmendjen ndaj tyre.
