Ekspertët ndërkombëtarë që hetojnë origjinën e Covid-19 kanë hedhur poshtë teorinë që virusi vinte nga një laborator në Wuhan, Kinë.
Peter Ben Embarek, kreu i misionit të Organizatës Botërore të Shëndetësisë (OBSH), tha se ishte “jashtëzakonisht e pamundur” që virusi të dilte nga një laborator në qytetin e Ëuhan. Ai tha se ishte e nevojshme më shumë punë për të identifikuar burimin e virusit. Hetimi tani mund të përqendrohet në Azinë Juglindore, tha një ekspert.Ekipi i OBSH-së janë aktualisht në fund të misionit të tyre hetimor.
Wuhan-i, një provincë në Hubei, Kinë, ishte vendi i parë në botë që virusi u zbulua në vitin 2019. Që atëherë, më shumë se 106 milion raste dhe 2.3 milion vdekje janë raportuar në të gjithë botën.
Dr.Embarek tha në një konferencë për shtyp se hetimi kishte zbuluar informacione të reja por nuk kishte ndryshuar në mënyrë dramatike shpërthimin e virusit. Ekspertët besojnë se virusi ka të ngjarë të ketë origjinën tek kafshët para se të përhapet te njerëzit, por ata nuk janë të sigurt se si.
Dr.Embarek tha se puna për të identifikuar origjinën e Covid-19 tregoi një “rezervuar natyror” në lakuriqët e natës, por nuk kishte gjasa që kjo të kishte ndodhur në Wuhan.
Ai tha se identifikimi i rrugës së kafshëve mbetet një “punë në progres”, por që “ka shumë të ngjarë” të ketë kaluar te njerëzit nga një specie ndërmjetëse.Ekspertët gjithashtu thanë se nuk kishte “asnjë indikacion” se virusi po qarkullonte në Ëuhan para se rastet e para zyrtare të regjistroheshin atje në dhjetor 2019.
Liang Wannian, një ekspert me Komisionin Shëndetësor të Kinës, tha se Covid-19 mund të ketë qenë në rajone të tjera para se të zbulohej në Wuhan.Ekipi bëri thirrje për hetime të mëtejshme në mundësinë e transmetimit të “zinxhirit të ftohtë”, duke iu referuar transportit dhe tregtimit të ushqimit të ngrirë.
Dr Peter Daszak, një anëtar i ekipit të OBSH-së, tha se fokusi se ku mund të jetë origjina që çoi në Covid-19, mund të zhvendoset në Azinë Juglindore.”Ne kemi bërë shumë punë në Kinë dhe nëse e përshkruan atë, ajo fillon të drejtohet drejt kufirit dhe ne e dimë se ka shumë pak mbikëqyrje në anën tjetër në të gjithë rajonin e Azisë Juglindore,” i tha ai John Sudëorth i BBC në Wuhan.
“Kina është një vend shumë i madh dhe Azia Juglindore është një vend shumë i madh. Zinxhirët e furnizimit në tregun e prodhimeve të detit Huanan ishin të gjera, ato po vinin nga vendet e tjera, ata po vinin nga pjesë të ndryshme të Kinës, kështu që të gjurmohen do të duhet ca punë “.
Ai shtoi se përqendrimi tani duhet të jetë në ato zinxhirë furnizimi.Misioni i OBSH-së filloi në janar, pas muajsh negociatash me Pekinin. Vizita e ekspertëve u monitorua nga afër nga autoritetet kineze.
Burimi:BBC/Përktheu dhe Përshtati C.R.A
