Pas publikimit të lajmit për mungesën e infrastrukturës në lagjen “Tomor Domi “komuniteti dhe aktivistët romë u organizuan menjëherë për ta adresuar shqetësimin në bashkinë Elbasan. Ata kanë hartuar një kërkesë në të cilën shprehin qartë problemin e tyre dhe kërkesën për përmirësimin e infrastrukturës në këtë segment të lagjes Rapishtë.
Kërkesa është firmosur nga 51 banorë, duke i dhënë me tepër rëndësi kërkesës së tyre për vendosjen e ndriçimit dhe shtrimit të rrugës në lagjen ku jetojnë. Aktivistët dhe banorët e kanë dorëzuar kërkesën në bashkinë Elbasan dhe në vazhdim pritet reagimi i institucionit.
Më poshtë gjeni kërkesën e hartuar nga komuniteti.
