Thirrje për pjesëmarrje në konkursin e gazetarisë në fushën “Punësimi i romëve dhe egjiptianëve në shërbimet bashkiake”

Të fundit

Community Reporters Albania
Community Reporters Albaniahttps://reportersalbania.com
C.R.A është një organizatë jo-fitimprurëse e cila ka qëllim të promovojë gazetarinë qytetare në Shqipëri. Misioni i Community Reporters Albania është të raportojë çështjet sociale të thelluara me natyrë investigative.

Qendra Mjedisore për Mbrojtje, Edukimi dhe Rehabilitim (Qendra EPER) në bashkëpunim me Shoqatën “Albania Romani Baxt for Development and Integration” (Tiranë); Shoqatën “Romano Sezi” (Elbasan); Shoqatën “Disutni Albania” (Korçë), me mbështetjen e financiare të LevizAlbania, një projekt i Agjencisë Zvicerane për Zhvillim dhe Bashkëpunim, SDC në kuadër të projektit “Fuqizimi i të Drejtave të Punës së Romëve dhe Egjiptianëve në Riciklimin e Mbetjeve” kanë hapur thirrjen për artikuj gazetarie në fushën “Punësimi i romëve dhe egjiptianëve në shërbimet bashkiake”. Qëllimi i këtij konkursi është nxitja e realizimit të artikujve informues dhe investigues, të cilët pritet të jenë të fokusuar në drejtim të shërbimeve publike në nivel vendor, veçanërisht në ato që përfshijnë kontributin e komunitetit rom dhe egjiptian, në Bashkinë Tiranë, Bashkinë Elbasan dhe Bashkinë Korçë.

Thirrja fton të gjithë gazetarët shqiptarë që në bashkëpunim me organizata që punojnë në fushën e mjedisit, zhvillimit komunitar, punësimit dhe të drejtave të njeriut, të realizojnë artikuj gazetarie në median e shkruar, të shtypur apo elektronike. Të gjithë artikujt e gazetarisë në këtë konkurs, do të publikohen edhe në rrjetet tona sociale.

Kushtet e përgjithshme:

  • Të gjithë gazetarët nga Shqipëria, që janë të punësuar në mediat vendase, ftohen që të aplikojnë me një shkrim/artikull autorial, të botuar në mediat e shkruara (të shtypur apo elektronike).
  • Shkrimet duhet t’i përkasin të drejtave të punësimit të komunitetit rom dhe egjiptian të njërës prej bashkive: Bashkisë Tiranë, Bashkisë Elbasan ose Bashkisë Korçë.
  • Shkrimet duhet të jenë të botuara prej 17 Maj 2022 deri me 17 Qershor 2022.

Kriteret e përzgjedhjes:

  • Tematika e artikujve duhet të lidhet me identifikimin dhe ekspozimin e situatës sociale, shëndetësore, ekonomike dhe mjedisore të komunitetit rom dhe atij egjiptian që jeton dhe punon me shërbimet publike të Bashkisë Tiranë, Bashkisë Elbasan ose Bashkisë Korçë.
  • Artikujt duhet të konsiderojnë zbatimin e nenin 20 të ligjit 15/2019, datë 13.03.2019 “PËR NXITJEN E PUNËSIMIT” nga ana e qeverisjes vendore.
  • Aftësitë hulumtuese gjatë kryerjes së detyrës apo shkrimit të artikullit, si dhe ndikimi në shoqëri që do të ketë mesazhi i dhënë, po ashtu do të vlerësohen.

Shpërblimi:

Komisioni përzgjedhës i përbërë nga 3 anëtarë, gazetarë me përvojë dhe njohës të fushës, do të bëjnë vlerësimin e shkrimit / artikullit më të mirë, me një çmim prej 250 CHF për secilën prej 3 bashkive.

Si të dorëzohet aplikimi:

 Formularin e aplikimit me shkrimet e botuara në median e shkruar duhet të dërgohen në

e-mailin info@epercenter.org, deri në datën 17 Qershor 2022.

Forme aplikimi në konkursin e gazetarisë në fushën “Punësimi i romëve dhe egjiptianëve në shërbimet bashkiake”_17.05.2022

 

Më të lexuarat