Në muajin Korrik 2020, organizata Qendra për Advokim Social ndihmoi 7 riciklues romë dhe egjiptianë për të dërguar ankesa pranë KMD me qëllimin e diskriminimit të tërthortë nga Policia Bashkia Tiranë.
Ankuesit u shprehen se në datën 15 qershor 2020, në zonën e Kasharit, policia bashkiake ndërmori një aksion për sekuestrimin e materialeve të riciklueshme, që ata i kishin mbledhur për t’i shitur, ata pretendojnë se materialet e riciklueshme u sekuestruan pa asnjë proces-verbal, si dhe veç tyre Policia Bashkiake u bllokoi edhe karrocat me anë të së cilës, ata transportonin thasët me materialet e riciklueshme.
Por kjo nuk është hera e parë që një riciklues përballet me policinë Bashkiake në Tiranë, me dhjetra video në rrjetet sociale kanë dëshmuar sjelljen e policisë ndaj ricikluesëve rom, duke i dhunuar, diskriminuar dhe kanë sekuestruar mbetjet dhe mjetet e transportimit.
Komisioneri për Mbrojtjen nga Diskriminimi ka reaguar dhe herë të tjerë mbi abuzimin që Policia Bashkiake ka kryer, Z.Gajda më herët në një intervistë me Community Reporters Albania tregoi se: ky rast është diskriminim i tërthortë pasi veprimi nuk rezulton diskriminues në mënyrë direkte për shkak të racës, por ne kemi evidentuar se pjesën më të madhe të ricikluesëve i përkasin minoritetit rom atëherë edhe veprimet e parregullta nga ana e policisë bashkiake shkojnë me pjesën më të madhe personave që i përkasin minoritetit Rom.
Gjatë seancës degjimore me institucionin e KMD mori pjesë perfaqësuesi i Policisë Bashkiake Tiranë i cili deklaroi se ricikluesit janë duke kryer vepër penale dhe me karrocat e tyre kanë transportuar mallin e mledhur në kontienerë për përfitimet e tyre.Në minutat e degjesës, ricikluesit u shprehen se gjendja e tyre ekonomike është e vështirë, pjesa më e madhe prej tyre janë të papunë dhe trajtohen më ndihmë ekonomike dhe në këto kushte bllokimi i mbetjeve nga policia është një problematikë e vazhduar prej shumë kohësh.
Edhe për Avokatin e Popullit, sjellja e policisë Bashkiake është shkelje e ligjit, sipas Alket Jaupit masat administrative dhe sekuestrimet e mjeteve nuk janë të bazuara në asnjë ligj, pra në këto raste gjobat nuk janë të ligjshme.
Sipas hetimit që KMD kreu, faktoi përmes provave se:
1-Nuk ekziston një procedurë standarde ligjore për konstatimin, bllokimin dhe shoqërimin e mjeteve dhe mbetjeve të riciklueshme, me anë të së cilës Policia Bashkiake Tiranë të veprojë për të ushtruar funksionet e saj
2-Nga ana e Bashkisë Tiranë nuk janë ndërrmarrë hapa për hartimin e procedurës standarde duke lënë kështu në tagrin e punonjësëve të Policisë Bashkiake mënyrën e veprimit rast pas rasti për bllokimin e mjeteve dhe mbetjeve urbane
3-Mungesa e një procedure standarde ka përballur pikërisht anëtarët e komunitetit Rom dhe Egjiptian me situata të pafavorfshme si në rastin konkret
4-Bashkia Tiranë nuk provoi se kishte ndërmarrë hapa konkrete në kuadër të zbatimin të Planit Kombëtar i Veprimit për Integrimin e Romëve dhe Egjiptianëve 2016-2020, sa i përkët formalizimit të grumbulluesëve të mbetjeve të riciklueshme, duke i mohuar kështu edhe mundësinë për të siguruar mjetet minimale të jetesës.
Sipas një studimi të qendrës Epper numri i ricikluesëve në Shqipëri është rreth 13.000 të cilët prej 25 vitesh e kryejnë këtë aktivitet informal, ndërkohë që vetëm në bashkinë Tiranë numërohen rreth 4200 kolektorë nga këto dy minoritetet.
Komisioneri për Mbrojtjen nga Diskriminimi ka rrëzuar pretendimin e Policisë Bashkiake se ricikluesit Rom dhe Egjiptian që mbledhin mbetje në kontenierët e Bashkisë Tiranë nuk diskriminohen, duke deklaruar se 7 ricikluesit që u ankuan janë diskriminuar në mënyrë të tërthortë nga Bashkia dhe Policia Bashkia Tiranë.
